Det har teke litt ekstra tid med dette her, men no i denne veka har røyrleggjarane begynt for fullt med å kople opp systemet! Her er nokon bilete frå i går:
Tida går fort når ein har mykje å halde på med, så eg har visst gløymt heilt bort å oppdatere denne tråden... No er i alle fall anlegget i drift, og har vore det sidan me flutte inn i mai i år.
Kortversjonen er at det meste fungerer fint som berre det! Det einaste unntaket er solfangarane, som har gjeve særs lite utbytte så langt. Her er det nok snakk om ein feil i systemet, og den mest sannsynlege syndaren så langt er luft i systemet. Røyrleggjaren skal sjå på dette no etter kvart.
Når det gjeld vedfyringa så har me så langt vore oppe i seks-sju dagar mellom kvar fyring på det lengste, og nede i to-tre dagar på det kortaste. Det vert spanande å sjå korleis det vert til vinteren. Me har vel bruka cirka fem pallar ved så langt.
Så klart! Beklagar seint svar, det har vore ein travel haust for meg... Her kjem nokon nærbilete av sjølve vedkjelen. Sei ifrå viss det er nokon spesielle ting du ynskjer nærbilete av, eller om du ynskjer å sjå han frå andre vinklar, så skal eg ordne det!
Inloggade ser högupplösta bilder
Logga in
Skapa konto
Gratis och tar endast 30 sekunder
Inloggade ser högupplösta bilder
Logga in
Skapa konto
Gratis och tar endast 30 sekunder
Inloggade ser högupplösta bilder
Logga in
Skapa konto
Gratis och tar endast 30 sekunder
Inloggade ser högupplösta bilder
Logga in
Skapa konto
Gratis och tar endast 30 sekunder
Inloggade ser högupplösta bilder
Logga in
Skapa konto
Gratis och tar endast 30 sekunder
Inloggade ser högupplösta bilder
Logga in
Skapa konto
Gratis och tar endast 30 sekunder
Inloggade ser högupplösta bilder
Logga in
Skapa konto
Gratis och tar endast 30 sekunder
Inloggade ser högupplösta bilder
Logga in
Skapa konto
Gratis och tar endast 30 sekunder
Dei fire boksane du ser på veggen på bileta ovanfor er, frå venstre mot høgre:
ETA FWM for varmt forbruksvatn (tappvatten)
ETA SLM for solfangarane i taket
ETA STM for snøsmelteanlegg
ETA MKM for golvvarme innandørs
Den som er ny i forhold til tidlegare er nummer tre på lista (ETA STM). Det vart til at eg måtte ha noko for å smelte snø og is i ei dreneringsgrøft på framsida av huset. Viss eg skulle kopla denne direkte på resten av systemet måtte eg fylt heile systemet med frostvæske, og det vart både tungvindt og forholdsvis dyrt. Difor valde eg å gå for denne modulen i staden, som har ein varmevekslar som gjer at eg berre treng ein skvett glykol i den delen av systemet som går utandørs. Det vart rimeleg fullt på veggen til slutt!
Det viste seg at ein viktig ting hadde blitt oversett då pipa vart montert: Der må vere ein "sump" med avtapping for kondensvatn i botnen av pipa, før ho går inn på vedkjelen. Viss ikkje kan ein, i fylgje ETA, risikere rust inni turbolatorrøyrane. Eg fekk ein nevenyttig kjenning til å lage denne her:
Inloggade ser högupplösta bilder
Logga in
Skapa konto
Gratis och tar endast 30 sekunder
Einaste feilen var at han hadde gløymt å lage ei feieluke, så der lyt visst endå noko meir sveising og modifisering til her...
Då tenkte eg det var på tide med ei oppdatering her att, sidan det no er så godt som nøyaktig eitt år sidan me begynte å bruke anlegget (fyrste fyring vart logga 23. mai i fjor). Her kjem erfaringane mine frå eitt års drift, punktvis:
Til og med dags dato så har me bruka 20 pallar med ved (1000 liter per pall), og har så vidt begynt på nummer 21. For dei som heller likar å tenkje i mål så er vel dette cirka 8 mål ved (viss ein reknar 2,5 pallar per mål). Det er snakk om godt stabla pallar, så med rausa pallar hadde det gjerne gått noko fleire. Reknestykket mitt i førekant landa på mellom 20 og 25 pallar, så det var ikkje så gale berekna. Hadde solfangarane fungera optimalt (sjå under) så hadde nok talet vore noko lågare.
På den kaldaste tida på vinteren så måtte me fyre cirka annankvar dag. På den varmaste tida om sumaren var det nok med kvar femte-sjette dag. No skal det seiast at det var ein særs mild vinter i år (middeltemperaturen var faktisk berre rundt null grader på den kaldaste tida, noko som absolutt ikkje er vanleg her i traktene). Viss det hadde vore kaldare måtte eg kanskje fyra kvar dag.
For kvar fyring aukar ladenivået i akkumulatortanken (på 5000 l) med 44 % i snitt. Altså er der plass til to heile fyringar i tanken.
Solfangarane fungerer betre, men ikkje optimalt. Både ETA Norge og røyrleggjar har klødd seg i hovudet over lengre tid, men det ser no etter kvart ut som om årsaka er ein kombinasjon av luft i anlegget og ein temperatursensor som ikkje fungerer. Vonleg får eg meir ut av anlegget når dette er fiksa, men det vart ein god del betre etter siste gong dei lufta det. Eg har på det meste sett ein energiproduksjon på rundt cirka 12 kWh på ein dag med sol frå skyfri himmel heile dagen no i vår. Der skal likevel vere meir å hente her.
Elles er anlegget særs lettvint og behageleg i dagleg bruk. Eg har av ulike årsakar vore nøydd til å bruke ved av høgst varierande kvalitet, men anlegget tilpassar seg etter det ein puttar inni. Modulen for varmt forbruksvatn fungerer glimrande, me tenkjer aldri over at det ikkje er ein vanleg varmtvasstank i huset. Sjølve fyringa i vedkjelen er enkel. Berre å fylle opp med ved og tenne på ei halv samankrølla avisside i botnen, så er det ikkje lenge før det brenn som berre det.
Der kjem nok ei ny oppdatering når solfangarane (endeleg) fungerer som dei skal.
Hadde solfangarane fungera optimalt (sjå under) så hadde nok talet vore noko lågare.
